Një shpërthim i fuqishëm në garazhin e një vile trekatëshe, ka alarmuar banorët e lagjes Granicë e Sipërme në Gjirokastër, pak pas orës 20:00 të kësaj te premteje.
Nga shpërthimi në pronën e Kleo Bellos, i cili njihet edhe si Ndërtim Muxhaj, nuk ka pasur të lënduar, por vetëm materiale.
Shpërthimi ka qenë i fuqishëm dhe përveç dëmeve në garazhin e vilës, ka thyer edhe xhamat e dritareve të disa banesave pranë garazhit.
Me marrjen e njoftimit, policia ka shkruar në vendngjarje. Nga këqyrja paraprake, thanë burime policore, ka dyshime se në garazh ka shpërthyer një lëndë eksplozive.
Veprimet hetimore të mëtejshme pritet të hedhin dritë mbi rrethanat e ngjarjes dhe autorin apo autorët e dyshuar.
