Thethi u kthye në qendër të vëmendjes javën e kaluar, kur për më shumë se dhjetë ditë u zhvillua një aksion masiv për shembjen e ndërtimeve të paligjshme. Gjatë këtij operacioni, u prishën rreth 100 objekte të ndërtuara pa leje në hapësira publike, ndërsa më pas nisi puna për pastrimin e mbetjeve inerte.
Kryeministri Edi Rama, i cili e ka ndjekur nga afër këtë aksion, ka publikuar së fundmi një video që tregon pamje të reja nga Thethi pas ndërhyrjes. Përmes një postimi në rrjetet sociale, Rama e përshkruan aksionin si një “operacion nga kanceri i paligjshmërisë”, duke e cilësuar të domosdoshëm për mbrojtjen e këtij parku të mbrojtur natyror dhe trashëgimisë që mbart.
