Ministrja e Infrastrukturës dhe Energjisë, Belinda Balluku ka pritur në një takim Sekretarin e Përgjithshëm të Energy Charter (Traktati i Kartës së Energjisë), Urban Rusnák, me të cilin ka diskutuar lidhur me Presidencën e radhës që gjatë vitit 2019 mbahet nga Shqipëria.
Duke folur për prioritetet gjatë presidencës së Energy Charter ministrja ka renditur ndërlidhjen me rrjetet rajonale të energjisë dhe krijimin e një tregu konkurrues,promovimin e masave për efiçencën e energjisë dhe masat për mbrojtjen e klimës.
Charter u shpreh se Shqipëria ka potencial të madh në arritjen e një niveli të përgjithshëm të energjisë së gjelbër dhe të rinovueshme. Balluku dhe Rusnák kanë inspektuar më pas edhe zyrat e OSHEE dhe OST.
