Një ngjarje e rëndë është shënuar në Britani. Një 20-vjeçar ka ndërruar jetë në spital, 6 ditë pasi u përplas nga një makinë.
Ai ishte duke lëvizur në një autostradë të vendit me skuter, së bashku me të dashurën e tij, ku u përplas nga mjeti.
Si pasojë, Shakur Pinnock dhe e dashura e tij Chante, u dërguan në spital. Kjo e fundit, ishte në gjendje më të stabilizuar shëndetësore, megjithatë, plagët që mori nga aksidenti ishin të rënda.
Një foto mjaft prekëse është duke qarkulluar në rrjet. Në të shfaqet Chante, duke i shtrënguar fort duart e Shakur, pak minuta para se i riu të ndërronte jetë.
Nga krahu tjetër, Chante i është nënshtruar dy operacioneve dhe pritet të qëndrojë e shtruar në spital për të paktën 1 muaj, shkruajnë mediat.
