E ka quajtur provokim qëndrimin e publicistit Orfea Beci, kreu i PDIU-së Shpëtim Idrizi dhe ka tentuar të largohet nga emisioni “Studio e hapur” në News24.
Nga studio e Gjirokastrës publicisti Orfea Beci mori fjalën menjëherë pas deklaratave të Shpëtim Idrizit, por e quajti çështje ullinjsh çështjen çame.
Kaq është dashur që të ndizen gjakrat dhe Idrizi të ngrejë zërin, madje të tentojë të largohet nga studio direkte.
Më herët kreu i PDIU-së Shpëtim Idrizi ka qenë i ftuar tek moderatorja Eni Vasili, ku tha se nuk ka dijeni më shumë për bisedimet se sa ajo që di publiku, por tha se çështja çame nuk mund të evitohet dhe se për të ka disa dokumente, mes tyre një rezolutë të parlamentit.
Megjithatë Idrizi u shpreh se deri tani sipas tij janë zgjidhur vetëm problemet e Greqisë nga bisedimet në Kretë dhe në Korçë.
