Instituti i Gjeoshkencave, Energjisë, Ujit dhe Mjedisit në buletinin e shpërndarë pak minuta më parë njofton se në të gjitha qarqet e vendit pritet të ketë reshje shiu, ndonëse të dobëta. Po ashtu sqarohet se rreziku nga zjarret do jetë i moderuar
ZJARRET NË PYJE
————————–
Sot pasdite (e shtunë, dt.04) dhe nesër (e diel, dt.05) pritet rrezik “I MODERUAR” në qarqet Shkodër, Lezhë dhe Fier ndërsa “S’KA RREZIK” ne qarqet Dibër dhe Korçë. Në qarqet e tjera pritet nivel “I ULËT” (siç tregohet në tabelë, respektivisht për secilin qark). Rreziku do tё jetё mё i lartё gjatё ditës sё nesërme.
PARASHIKIMI METEO
———————————
RESHJET
Sot pasdite (e shtunë, dt.04) dhe nesër (e diel, dt.05) priten reshje lokalisht të dobëta në shumicën e qarqeve të vendit (siç tregohet në tabelë, respektivisht për secilin qark). Në zona shumë të izoluara, reshjet mund të shoqërohen edhe me shtrëngata, më të mundshme në zonat kodrinore-malore dhe në zonat pranë tyre, kryesisht gjatë pasditeve.
TEMPERATURAT
Nesër (e diel, dt.05) temperaturat minimale dhe maksimale të ajrit pritet të arrijnë:
në bregdet: 23 / 33 °C
në vendet e ulëta: 22 / 35 °C
në vendet malore: 14 / 29 °C
ERA
Sot pasdite (e shtunë, dt.04) dhe nesër (e diel, dt.05) era pritet të fryjë e lehtë.
