Plagosje me thikë në qendër të qytetit, një i plagosur dërgohet me urgjencë në spital.
Mësohet se i plagosuri ndodhet në gjendje të rëndë dhe është i shtruar në reanimacion..Autori është një 39-vjeçar, që vazhdon që të mbetet në arrati. Ngjarja dyshohet se ka ndodhur për motive të dobëta. Policia po punon për të kapur autorin.
“Korçë/Informacion shtesë.
Në lidhje me informacionin paraprak të dhënë mbrëmjen e djeshme, ku shtetasi E. Sh., 40 vjeç, ngeli i dëmtuar me mjet prerës, ju informojmë se:
Pas veprimeve paraprake të kryera dhe informacionit të siguruar, u bë e mundur identifikimi i autorit të dyshuar të ngjarjes, shtetasit D. M., 39 vjeç.
Shtetasi E. Sh., në kallëzimin e dhënë ka deklaruar se për motive të dobëta ishte qëlluar me mjet prerës (thikë) nga shtetasi D.M.
Shërbimet e Policisë vijojnë kontrollet për kapjen e 39 vjeçarit D .M.
Nën drejtimin e Prokurorisë po vijon puna për sqarimin e plotë të rrethanave dhe dokumentimin ligjor të ngjarjes”, njofton policia.
