20-vjeçarja Kostandina Zanaj ka rrëfyer motivet e plagosjes nga i riu Fadil Likaj dy ditë më parë në Vlorë.
Ajo ka thënë se Likaj e ka plagosur pasi kjo e fundit e kishte refuzuar për lidhjen mes tyre.
“Çfarë ke për të më thënë pasi çdo gjë mes nesh ka marrë fund…!”, i është drejtuar vajza 30-vjeçarit, i cili më pas ka nxjerë nga çanta e tij një send që studentja, nuk e ka kuptuar se çfarë ishte, por e ka përshkruar me formë vezake dhe ngjyrë të errët. të cilën ai e ka hedhur pranë Zanajt.
Studentja e frikësuar ka kërkuar ndihmën e stafit në lokal, ndërsa Likaj ka nxjerrë nga çanta një pistoletë, duke e qëlluar të renë në kokë me tytën e armës, raporton Ora Neës. 20-vjeçarja ka rënë përtokë e gjakosur dhe më pas është dërguar menjëherë në spital për të marrë ndihmën e parë mjekësore.
Konstandina Zanaj nga goditja me armë ka pësuar një plagë në pjesën e kokës, por pa i shkaktuar dëme serioze. Autori i plagosjes Fadil Likaj është munduar të largohet me shpejtësi, por i ka rënë pistoleta në tokë dhe më pas është bërë i mundur edhe arrestimi i tij.
