Një plagosje me thikë ka ndodhur në Korçë, ku një i ri ka goditur ish-partneren e tij pas një konflikti.
Sipas burimeve nga policia, i plagosuri është ish-partnerja e autorit e identifikuar, Marjana Plaka, e cila ka marrë dëmtime në mjekër.
Shkaku i këtij incidenti ka qenë ndarja mes dy të rinjve, dhe sipas informacioneve, autori ka qenë i dënuar më parë për përndjekje. Së fundmi motra e të plagosurës dhe ka treguar se ish-partneri i motrës kishte të paktën dy vite që e përndiqte.
“E pashë që nga spitali, motra po kalonte rrugës së spitalit dhe ai i doli përpara, e shtriu në tokë dhe e goditi me thikë. Ka pasur shumë probleme më përpara, e ndiqte prej 2 vitesh, pasi motra i dha fund lidhjes. Motra e kishte denoncuar në policia, ajo u pajis me urdhër mbrojtje por vazhdonte përsëri ta përndiqte. Autori ishte në Greqi për 4 muaj, u kthye dhe filloi prapë ta ngacmonte. Ajo dilte për punën e saj, ai se linte rehat. Motra i thoshte mos më ndiq, se jam me burrë e fëmijë. Motra ka shtruar nipin këtu, ai e pa dhe e shtriu poshtë, ia futi thikën.”, është shprehur motra e Marjana Plakës.
