Pas suksesit me “Krizën e ngjyrave”, 4 vjeçari Advait është gati për ekspozitën e tij të parë në ekspozitën e tij të parë në New York.
Indiani, me nënshtetësi kanadeze, që nga mediat është cilësuar si mrekulli, është një nga artistët më të rinj dhe më të suksesshëm në botë. Etika në punë dhe imagjinata e mahnitshme e 4 vjeçarit, ka tërhequr vëmendjen e të gjithë të dashuruarve pas artit.
Koleksioni i parë, me 30 piktura, që u shfaq në Kanada titullohej “Kriza e ngjyrave” por secila prej tyre ka një emër të veçantë si “Supernova” “Kandili i Detit” etj.
Ai punon vetë, pa u ndikuar nga askush, pa instruksione. 4 vjeçari nuk sheh pothuajse fare televizor dhe as nuk luan me kompjuter.
Prindërit e pikasën talentin e tij kur ishte vetëm 8 muajsh. Në moshën 2 vjeçare nisi të zhgarravisë me ngjyra mbi mobilie dhe sot ai frymëzohet nga galaksia dhe dinozaurët.
Pikturat e tij tregojnë histori të bollshme që vijnë nga imagjinata e gjallë. Helen Bridgeo është zonja që tashmë ka në shtëpi 5 piktura në Advait, të cilat thotë se i adhuron.
“Nuk kam parë kurrë një vogëlush 4 vjeç të pikturojë siç ai di të bëjë” thotë Helen, të cilën pikturat e Advait e bëjnë të lumtur sapo i shikon.
Pikturat e tij të para tashmë janë shitur, për 2 mijë dollarë secila dhe rrugën përpara Advait e ka të gjatë por me sukses të garantuar.
