Shteti grek sapo ka vënë në dispozicion një grant rreth 1.3 mld euro për të gjitha familjet të cilat u dëmtuan nga reshjet e shiut në Mandra të shtetit fqinj. Kujtojmë se numri i familjeve të dëmtuara nga përmbytyra ishte i madh, dhe midis tyre ishin rreth 23 familje shqiptare.
Ky grant u hodh në miratim në Seancën dëgjimore për Atikën Perëndimore. Nga ky grant do të përfitojnë dhe familjet e emigrantëve shqiptrë të cilët u prekën nga përmbytjet.
Deklarimin e miratimit të tij e njoftoi Corina Cretu, komisionere për Politikat Rajonale. Ajo theksoi se ky grant do të ofrojë deri 5000 euro për çdo familje të prekur nga dëmtimet e sjella nga përmbytjet.
Sakaq para katër ditësh edhe deputeti i PS për qarkun e Sarandës, Alket Hyseni i ka takuar këto familje shqiptare si dhe ka shprehur ngushëllimet e tij familjes së Petro Kolecit, i cili humbi jetën nga furia e baltës dhe ujërave të rrëmbyera./AlpeNews.al/