Një grua britanike e cila punonte në ambasadën Britanisë së Madhe në Beirut është gjetur e vdekur në Liban, ka raportuar BBC. Sipas policisë dyshohet se Rebecca Dykes është vrarë.
Autoritetet në Lindjen e Mesme thanë se besonin se zonja Dykes, 30 vjeç, nga Londra, është mbytur dhe përdhunuar para vdekjes së saj. Gjithsesi hetimi për vdekjen e 30 vjeçares po vazhdon.
Familja e saj tha në një deklaratë për median BBC se: “Ne jemi të shkatërruar nga humbja e Rebekës tonë të dashur, ne po bëjmë gjithçka që mundemi për të kuptuar se çfarë ka ndodhur, kërkojmë që mediat të respektojnë privatësinë tonë”.
Zonja Dykes filloi të punojë për qeveri në vitin 2010, dhe ajo thuhet se ishte në një bar në qendër të qytetit, para se të dilte pas mesnatës. Trupi i saj është transferuar në spitalin Dahr al-Bashak për ekzaminim.
Ajo u bashkua me Departamentin për Zhvillim Ndërkombëtar dhe kishte punuar si menaxhere programesh dhe politikash me bazë në Liban. Përgatiti AlpeNews.al
