Ai abuzoi me një 14 vjeçar, i cili jetonte në një jetimore. Pasi u largua nga institucioni në fjalë, ai vodhi profilin e Facebook-ut, për të mashtruar minorenët e tjerë, kështu shkruajnë mediat italiane rreth tre vite më parë në lidhje me Massimiliano Croce, 45 vjeçarin italian i arrestuar nga policia sot (25 tetor) në Tiranë.
Me dy diploma në Pedagogji dhe Sociologji dhe një doktoraturë në kriminologji, duke mbrojtur tezën mbi abuzimin e fëmijëve në internet. Mbrojtja e kësaj teze ka ardhur pikërisht, pas dy dënimeve për sulme seksuale ndaj të miturve.
Një tjetër denoncim ndaj shtetasit romak, erdhi në verën e vitit 2014, kur edukatorët në një shtëpi përkujdesjeje ndaj fëmijëve, morën dëshmitë e adoleshentëve të abuzuar prej tij dhe ata kuptuan se dikush kishte vjedhur profilin e Facebook-t të viktimës për të kontaktuar me fëmijët e tjerë dhe adoleshentët.
Për të konfirmuar se veprimi ishte kryer nga ish-edukatori, bëri që policia të zhvillonte kontrolle në shtëpinë e tij. Në banesë u gjet një kompjuter me një mijë fotografi ‘porno’ me fëmijë, shumë prej të cilave u përdorte gjatë komunikimeve me skype. Në këtë mënyrë, ai krijonte kontakte me dhjetëra të rinj në shtëpi komunitare.
Për akuzat e ngritur, ish-edukatori u dënuar në prill të vitit 2015 me 9 vite burg për abuzim me fëmijë prej 8 vjetësh në jetimoren ” Santa Klaus” në Ostia, ku ai kishte shërbyer.
Ai u dënua gjithashtu me 3 vjet burg për akuza për dhunë ndaj fëmijëve të tjerë që ju besuan atij në kujdesin shtëpiak në zonën e kështjellave romake.
Sidoqoftë, Croce gjithmonë e ka konsideruar veten të persekutuar nga drejtësia.
Në dënimin përfundimtar, gjyqtarët vendosën ndalimin e përhershëm të tij nga zyrat publike dhe punët që përfshijnë kontaktet me të mitur. Prokurori romak, Stefano Rocco Fava tha pas hetimit, se i “pandehuri është një person, i cili ka përfituar nga institucionet për të mitur për të kënaqur devijimin e tij seksual. Fëmija që kemi shpëtuar, do të ketë trauma për të gjithë jetën”.
