Rikthehet në detyrë mjeku Ilir Allkja është rikthyer në detyrë ku sipas tij dhe PD iu kërkua largimi nga puna pak ditë më parë.
Lajmin e ka bërë të ditur vetë Allkja, nëpërmjet një postimi në rrjetet sociale.
Allkja nëpërmjet postimit, falenderon edhe gazetarët për mbështetjen ndërsa pohon se sot mundi të ishte në frontin e parë të luftës ndaj Covid-19, bashkë me kolegët.
“Falë solidaritetit të mijëra njerzve të thjeshtë të të gjitha moshave, kolegëve, miqve të mij brenda e jashtë Shqipërisë, gazetarëve dinjitozë, figurave të njohura të artit, punës, politkës por edhe administratës së QSUT, unë sot isha në punë në vijën e parë të luftës anti-Covid19 bashkë me kolegët e mij dhe do të jem çdo ditë ! Ju falënderojn të gjithëve ! Ne do t’ja dalim !”, shkruan Allkja në Facebook.
Kujtojmë se mjeku i QSUT, Ilir Allkja, pak ditë më parë denoncoi mungesën e veshjeve speciale për personelin mjekësor.
