Deputetja Rudina Hajdari ka zbuluar mbrëmjen e sotme se për çfarë është rënë dakord gjatë bisedimeve në rezidencën amerikane, pas diskutimeve që zgjatën mbi 4 orë, dhe çfarë kanë lëshuar palët.
Në emisionin Opinion, Rudina Hajdari u shpreh se në tryezën e bisedimeve nuk është më kërkesa e opozitës për qeveri tranzitore 100 ditë para zgjedhje. Ndërkohë, ajo zbuloi se PS ka pranuar kërkesën e PD për implementimin e identifikimit biometrik në gjithë vendin.
“Identifikimi biometrik do të bëhet në të gjithë vendin. Po, kanë rënë dakord. Ka patur dakordësi, ka patur zhvillime, palët kanë lëvizur. Administrata zgjedhore është një çështje e rëndësishme dhe palët nuk kanë lëvizur”, tha deputetja Rudina Hajdari.
