Evropa është udhëhequr dekadat e fundit nga liderë relativisht të pasur, duke filluar nga Berluskoni për të përfunduar me një nga liderët më të rinj por edhe më të pasur, Presidentin francez Emanuel Macron.
Por as Merkel, Erdogan dhe Putin, udhëheqësit e Turqisë, Gjermanisë dhe Rusisë, nuk mbeten pas.
A keni menduar ndonjëherë kush është më i pasuri prej tyre? Le ti analizojmë me radhë.
Angela Merkel, është konsideruar si gruaja më e fuqishme në botë, por le të themi se jo të gjithë janë marrë me pasurinë e Kancelares gjermane.
Por përvecëse e fuqishme, liderja e përjetshme e Gjermanisë është gjithashtu një gruaja e kamur.
Sipas “Forbes” ajo posedon një vlerë neto prej 11.5 milion dollarësh.
Ajo ka shërbyer si Kancelare e Gjermanisë që nga viti 2005 dhe ka luajtur një rol të rëndësishëm në menaxhimin e çështjeve financiare.
Nga ana tjetër, Vladimir Putin është një nga krerët më kontrovers dhe të fuqishëm në mbarë botën.
Edhe pse ekonomia ruse po lufton për mbijetesë, shpenzimet e Putinit po rriten në mënyrë eksponenciale.
Sipas Departamentit të Shtetit, pasuria neto e Putinit kap vlerën e 150.000 dollarëve. Megjithatë, këto shifra janë shumë më të ulëta sesa ato që përfliten nga oligarkët rus.
Sipas tyre, pasuria e Presidentit Putin mund të arrijë deri në 200 miliardë dollarë.
Po po e lexuat mirë, plot 200 miliardë dollarë!
Ndërkohë, edhe i preferuari i Lindjes së Mesme, Presidentin Erdogan, po ngre perandorinë e tij të pushtetit, por edhe pasurisë.
E përditshmja gjermane “Bild” shkruante një artikull tronditës para disa kohësh duke pyetur “se si është e mundur që fëmijët e Erdogan-it kanë grumbulluar një pasuri kaq të madhe, e cila arrin në dhjetëra milionë dollarë, në një kohë kur të ardhurat vjetore të babait të tyre si president janë vetëm 50 mijë euro në vit”.
Dhe më të drejtë, pasi vlera neto e pasurisë së Erdoganit arrin në rreth 80 milionë dollarë.
Edhe pse nuk dihet mënyra se si Erdogan e ka arritur ai gjithë këtë pasuri, do t’i duhet ende “punë”, pasi Vladimir Putin është më i pasur se ai dhe Merkel bashkë
