PAS URDHRIT TË RAMËS/ Dorëhiqen drejtorët e Bashkisë Durrës dhe krerët e Njësive Administrative! Komision për…

10 July, 2025 s.autor Breaking News, Politikë

Dy ditë pas vizitës së kryeministrit Edi Rama në Bashkinë e Durrësit, dorëzojnë dorëheqjet tek kryetarja Emiriana Sako të gjithë drejtorët e institicionit. Gjithashtu mësohet se dorëheqjet i kanë dorëzuar edhe kryetarët e Njësive Administrative në varësi të Bashkisë.

Një grup pune është ngritur për verifikimin dhe kontrollin e performancës së tyre dhe deri në fund të korrikut, pas analizës do vendoset se cili do qëndrojë dhe kush do ikë. Gjithashtu mësohet se po kontrollohet edhe performanca e punës së drejtorëve rajonalë, përveç atij te Drejtorisë së Policisë së Durrësit.

Tashme që të gjithë drejtorët janë vënë në dispozicion të kryetares së bashkisë Sako. Komisioni i performancës, (kryetarja e bashkisë dhe 2 deputete të listës, Milva Ikonomi dhe Klodiana Spahiu), kanë kohë deri në fund të korrikut për të përcaktuar se cilët ikin e cilët do të qëndrojnë.

Ndërkohë mësohet se pak më vonë do të shqyrtohet edhe performanca e drejtorëve rajonalë me përjashtim të drejtorit të policisë qarkut.

Kryeministri Edi Rama, pas Vlorës dhe Fierit zbarkoi edhe në Bashkinë e Durrësit, ku përsëriti kërkesën për dorëheqje të drejtorëve, për shkak të mosmenaxhimit të mirë të situatave në sezonin turistik, ujin, mbetjet, hapësirat publike apo ndërtimet.

Rama kërkoi freskim të drejtorëve të bashkisë.