Pas akuzave të rënda për marrëveshjen mes Prokurorisë së Përgjithshme dhe Ministrisë së Brendshme për luftimin e krimit elitar dhe korrupsionit ishte anti-kushtetuese, zv. kryetari i LSI Luan Rama ka mbajtur një qëndrim krejt të kundërt për sa i takon arrestimit nga policia të një të dyshuari për vrasje, duke e përgëzuar në këtë rast prokurorinë dhe policinë.
“Operacion i shkëlqyer për kapjen e vrasësit të dyshuar: profesionalizëm dhe bashkëveprim shembullor mes policisë së Tiranës dhe prokurorisë! Përgëzime dhe të tjera suksese në zbatim të ligjit!” – shkruan Rama në Facebook.
Ky qëndrim i Ramës vjen pak orë pasi Ministria e Brendshme i bëri thirrje opozitës që nëse nuk e mbështeste policinë në aksionet e saj kundër krimit, të paktën të heshtte.
