Presidenti i Shtetet e Bashkuara, Donald Trump, ka deklaruar se qytetarët amerikanë duhet të jenë të vetëdijshëm për mundësinë e hakmarrjes për shkak të konfliktit në Iran.“Supozimisht,” tha Trump për revistën TIME, kur u pyet nëse SHBA duhet të shqetësohet për sulme në brendësi të vendit. “Por mendoj se ne jemi të shqetësuar për këtë gjithë kohën. E planifikojmë, e shqyrtojmë vazhdimisht. Por po, diçka mund të ndodhë. Siç thashë, disa njerëz mund të humbin jetën. Kur shkon në luftë, kjo është pjesë e realitetit,” shtoi ai.
Ndërkohë, Sekretari i Mbrojtjes amerikan, Pete Hegseth, u përpoq të qetësonte qytetarët, duke theksuar se nuk priten kërcënime direkte ndaj sigurisë në tokën amerikane, pavarësisht dorëheqjes së Kristi Noem nga pozita e Ministres së Sigurisë së Brendshme.
Ndërkohë, sulmet në rajon kanë shkaktuar viktima; gjashtë amerikanë humbën jetën pas një sulmi me dron mbi një objekt të SHBA-së në Kuvajt, por deri tani kërcënimet nuk kanë arritur territorin amerikan.
Ky paralajmërim vjen në një kohë të tensionuar ndërkombëtarisht, ndërsa konfliktet në Lindjen e Mesme vazhdojnë të rrisin shqetësimet për sigurinë globale dhe atë të qytetarëve amerikanë.
