Një polic i rrugores ka mbetur i plagosur ditën e sotme si pasojë e një aksidenti të rëndë që ka ndodhur në Vorë, teksa ai ishte në krye të detyrës duke kryer verifikimin e një mjeti tip BMW X5.
RTV Ora ka siguruar pamjet e frikshme kur mjeti i drejtuar nga 20 vjeçari del nga rruga dhe përplas policin e rrugores, duke e hedhur atë disa metra në ajër, ndërsa vetë i riu përfundon jashtë rruge.
Ka qenë fillimisht një polic tjetër i postbllokut që i ka bërë shenjë të riut të ndalojë, por për shkak të shpejtësisë së lartë ai ka humbur kontrollin duke shkaktuar aksidentin e rëndë. Fatmirësisht, polici i plagosur është dërguar menjëherë në spital dhe ndodhet nën kujdesin e mjekëve, jashtë rrezikut për jetën.
Të dy drejtuesit e mjeteve të përfshirë në aksident, dhe shoferi i mjetit BMW X5, janë shoqëruar në ambientet e Komisariatit të Policisë Vorë, për veprime të tjera hetimore.
VIDEO E AKSIDENTIT: