Në komisionin e Medias që zgjati diskutimet mbrëmë deri në orët e vona, rreth 23:50 u miratua në parim projektligji për paketën anti-shpifje me disa ndryshime. Pika 6 e nenit 29 përsa i përket subjekteve të ndëshkuara riformulohet. Subjekti i ndëshkuar mund të bëjë ankim në bordin e AMA-s brenda 30 ditëve. Por, ankimi nuk e pezullon ekzekutimin e gjobës.
“Subjekti i ndëshkuar mund të bëjë ankim në bordin e AMA-s, brenda 30 ditëve nga vendimi i Këshillit të Ankesave. Ankimimi ndaj vendimit të Këshillit të Ankesave nuk pezullon ekzekutimin e vendimit, por bordi AMA shqyrton ankesën dhe shpall vendimin jo me vonë se 10 ditë. Kundër vendimit të bordit të AMA-s mund të bëhet ankimi në Gjykatën Administrative” thuhet në pikën 6 të nenit 29.
