Kreu i grupit parlamentar të Lëvizjes Socialiste për Integrim Petrit Vasili, ka shpërthyer në akuza të forta dhe fyerje personale ndaj kryeministrit të vendit Edi Rama.
Përmes një konference për shtyp, Vasili e ka cilësuar shefin e qeverisë si të lajthitur, të paditur apo edhe gënjeshtar.
Ish-kreu i LSI-së paralajmëroi se forca politike që ai bën pjesë do të bashkohet me pjesën tjetër të opozitës në një front të vetëm kundër qeverisë “Rama”.
“Grupi mori në shqyrtim qëndrimet e mbajtura lidhur me biznesin e vogël dhe vendosjen e tvsh-së nga kryeministri. Kemi dëgjuar edhe lajthitjet e kryeministrit që rrjedhin nga ajo që ky është i paaftë, i paditur, s’di ç’thotë, e të tërë ata që bëjnë sikur dinë diçka, gabojnë.
Po citoj, kryeministrin në kohë të ndryshme:
Nëntor 2015 – Ja hiqte detyrimet biznesit të vogël thoshte: Rezultatet e para të këtij operacioni ia dedikoj juve, këto para do të jenë për ju, për ata që vetëpunësohen. Binzesin e vogël e kemi aleat në luftën kundër informalitetit.
Tetor 2017: i Vë taksën, s’duhet që tvsh të bjerë në xhepin e një g rupi të pasurish, ka biznese që qahen si të vegjël, por nuk janë të tillë.
Këtu oligarkët u shprehën të lumtur, me këtë vendim. Këtu rrezikojnë mijëra biznese, por ky kryeministër është i lajthitur| tha Vasili.
