Ekipi ndërkombëtar i shkencëtarëve të Organizatës Botërore të Shëndetësisë (OBSH), ka arritur sot në një qendër të veterinerëve në qytetin kinez Wuhan, në kërkim të gjurmëve të prejardhjes së pandemisë së coronavirusit, shkruan Reuters.
Ekipi i ekspertëve të pavarur tashmë kanë vizituar spitalet “kyçe” dhe qendrën rajonale për kontroll të sëmundjeve dhe tregjet e frutave të detit në Huannan, për të cilin besohet se ka lidhje me coronavirusin që u shfaq në dhjetor të vitit 2019.
Peter Dashark, njëri nga anëtarët e ekipit ka thënë për Reuters, se vizita është duke shkuar shumë mirë. Në mesin e ekspertëve ishte edhe Peter Ben Embareck, kreu i ekspertëve të OBSH.
Qendra e veterinerëve në provincën Hubei që lufton kundër sëmundjeve epidemiologjike që prek kafshët, mund të ofrojë informacione lidhur me atë sesi virusi në jugperëndim të Kinës përmes lakuriqëve të natës është bartur te njerëzit.
