ISHSH, ose Inspektorati Shtetëror Shëndetësor, ka vendosur të shtunën 17 gjoba për disa subjekte biznesesh të cilat nuk respektonin masat e marrë për koronavirusin, pas rikthimit në aktivitet. Ky kontroll erdhi pas numrit në rritje të rasteve pozitive me COVID-19 në vendin tonë, duke patur parasysh faktin që kapëm shifra rekord që prej fillimit të pandemisë.
Në total janë kryer 985 inspektime dhe monitorime në të gjitha qarqet e vendit, ndërsa 17 gjobat janë ndarë si më poshtë: 9 gjoba për supermarketet, 3 gjoba për furrë buke/pastiçeri, 2 për bare kafe/ restorante, 1 për zyrë pagesash, 1 për depo farmaceutike dhe 1 për shërbimet taksi.
ISHSH thotë se kontrollet do të vijojnë edhe në ditët e tjera, por e rëndësishme është vetëndërgjegjësimi i të gjithë subjekteve dhe qytetarëve sepse respektimi i masave i shërben shëndetit të të gjithëve!