Presidenti Ilir Meta ka vijuar edhe sot akuza ndaj qeverisë, dhe kësaj herë është marrë me bujqësisë duke deklaruar se Rama ka braktisur investimet në blegtori e bujqësi duke shënuar ulje të ndjeshme të prodhimeve të tyre.
Më tej me gjuhën e opozitës Meta ka akuzuar qeverinë se jep miliona euro për koncesionet dhe tenderët sekrete, ndërsa ka lënë në mëshirë të fatit investimet në bujqësi e blegtori duke çuar në shpopullimin e zonave rurale.
“Blegtoria, një nga sektorët më të rëndësishëm të bujqësisë shqiptare, për fat të keq, ashtu siç tregojnë dhe indikatorët e INSTAT, pas vitit 2017, po shkon drejt një rënie të lirë.
Braktisja e bujqësisë dhe blegtorisë po shpopullon zonat rurale dhe më të bukura të vendit, ndërkohë që miliarda euro jepen për koncesione të dyshimta dhe tendera “sekrete”.
Shqipëria është e fundit në rajon sa i takon mbështetjes së bujqësisë. Kjo qasje duhet të ndryshojë një herë e përgjithmonë”, shkruan Meta.