NUK NDALET DHUNA NË DURRËS/ Nusja RREH vjehrrën, djali nënën

Dy gra në moshë të dhunuara nga personat e tyre të afërt kanë denoncuar këta të fundit në polici.

Bëhet fjalë për një 69-vjeçare të rrahur nga nusja e djalit dhe një 64-vjeçare të rrahur nga djali i saj.

Përr të dy rastet, policia e Durrësit ka plotësuar kërkesë-padinë për lëshimin e urdhrit të mbrojtjes.

Komisariati i Policisë Durrës:

1. Më datë 04.09.2018, u plotësua kërkesë padia për lëshimin e urdhrit të mbrojtjes së menjëhershëm për shtetasen D.H., vjeçe 69, banuese në Durrës, pasi  nusja e djalit, shtetësia E.H., vjeçe 43, ka ushtruar dhunë fizike e psikologjike ndaj saj. Materialet u referuan në Gjykatën e Shkallës së Parë Durrës. Ligji nr. 9669, datë 18.12.2006, ”Për masa ndaj dhunës në marrëdhëniet familjare”.
2. Më datë 04.09.2018, u plotësua kërkesë padia për lëshimin e urdhrit të mbrojtjes së menjëhershëm për shtetasen B.M., vjeçe 64, banuese në Durrës, pasi djali, shtetasi R.M., vjeç 30, ka ushtruar dhunë fizike e psikologjike ndaj saj. Materialet u referuan në Gjykatën e Shkallës së Parë Durrës. Ligji nr. 9669, datë 18.12.2006, “Për masa ndaj dhunës në marrëdhëniet familjare”.