Policia ka arrestuar ditën e sotme një 48 vjeçar punonjës sigurie në një fabrikë.
Ky i fundit është larguar nga vendi i punës para mbarimit të turnit si dhe nuk ka konstatuar vjedhjen e 10 telekamerave në fabrikën ku punonte në qytetin e Elbasanit.
48 vjeçari akuzohet për veprën penale “Shpërdorimi i detyrës”.
Njoftim policie
Vihet në pranga punonjësi i sigurisë në një subjekt privat, pasi dyshohet se nuk konstatoi vjedhjen e 10 telekamerave në këtë subjekt dhe u largua pa përfunduar orarin e shërbimit.
Specialistët për Hetimin e Krimeve të Komisariatit të Policisë Elbasan arrestuan në flagrancë shtetasin A. B., 48 vjeç, banues në Elbasan, punonjës sigurie në një firmë private, për veprën penale “Shpërdorimi i detyrës”.
Nga veprimet hetimore dyshohet se gjatë natës, në kohën që ky shtetas ishte në turnin e tij të punës si punonjës sigurie, në një firmë, janë vjedhur 10 telekamera të vendosura për sigurimin e objektit. Gjithashtu, sipas kallëzimit të punonjësit të turnit të radhës që ka konstatuar vjedhjen e telekamerave, 48-vjeçari është larguar nga vendi i punës para orarit të përfundimit të shërbimit.
Punohet për dokumentimin e plotë të kësaj ngjarjeje.
