Viti 2017 shënoi një rritje të aplikimeve për regjistrim të markave shqiptare.
Janë produkte që një pjesë e mirë eksportohen dhe kanë fituar emër në tregjet europiane dhe më gjerë. Përgjatë gjjthë vitit të kaluar aplikuan për regjistrim të markës 1161 biznese.
Drjejtori i Përgjithshëm i Drejtorisë së Pronësisë Industriale Elvin Lako bëri me dije në një aktivitet me rastin e përmbylljes së vitit 2017 se ka pasur një rritje të interesit.
“I është dhënë rëndësi e veçantë aktiviteteve për ndërgjegjësimin e biznesit dhe publikut në tërësi. Është arritur të zhvillohen fushata takimesh me biznesin duke ofruar asistencë dhe konsulencë për vlerësimin e PI si një kapital që mbrohet vetëm nëpërmjet regjistrimit dhe për ngritjen strategjive që çdo biznes duhet të ketë për ta kthyer PI në burim fitimi.
Për sa më sipër stafi DPPI ka kryer mbi 100 takime duke shkuar në ambjentet e biznesit jo vetëm në Tiranë, por edhe në rrethe të ndryshme të Shqipërisë. Ky aktivitet promovues solli si rezultat rritjen e konsiderueshme të aplikimeve për regjistrim të markave duke arritur nje rekord të ri prej 1161 Markash” tha Lako
Veriu rekord me produktet
Pjesa e Veriut të Shqipërisë ka pasur një vëmendje të veçantë në regjistrimin e produkteve shqiptare që janë të njohura tashmë përtej kufijve.
“Në 2017 vlen për t’u përmendur që kemi rritje të aplikimeve për tregues gjeografikë të produkteve shqiptare kryesisht nga zonat veriore të Shqipërisë si: Gështenja e Tropojës, Gështenja e Malësisë së Madhe, Mjalti i Gështenjës së Tropojës, Mjalti i Gështenjës- Malësi e Madhe, Boronica e Bjeshkëve të Tropojës, Boronica e Bjeshkëve Kuksiane” shprehet Lako
Regjistrimi i markave shihet si një nga konponentët kryesorë të rritjes së konkurrencës dhe zhvillimit të biznesit përmes rritjes së eksporteve.(monitor)
