“Shpikje shqiptarës” u konsiderua sot, futja e tre aparatëve cellular brenda një tenxhereje në burgun e Lezhës.
Raste të tilla, sa qesharake aq edhe ta “të mundshme” burgjet shqiptare kanë parë, e kanë “kapur” plot.
Kujtojmë rastin e veçantë ku u tentua të futej drogë…me anë të mishit.
Sot:
Tre aparate celularë janë tentuar të futen në burgun e Lezhës. Celularët ishin fshehur brenda një tenxhereje bashkë me aksesorët përkatës. Tenxherja ishte e mbushur me gjellë dhe poshtë kishte një fund të dyfishtë.
Pas një kontrolli të imtësishëm të punonjësve të policisë së burgjeve është bërë e mundur edhe gjetja e celularëve.
“Topi”
Dy Iphone dhe një Samsung, bashkë me karikuesit dhe dy karta celulari të pahapura janë gjetur të fshehura në në top futbolli në ambientet e burgut të Lezhës.
Gjatë orës së ajrimit të të burgosurve është hedhur nga jashtë një top futbolli i fryrë. Topi është konstatuar nga punonjësit e shërbimit të cilët e kanë bllokuar menjëherë. Janë bërë verifikimet e nevojshme dhe janë kontrolluar kamerat e sigurisë.
Brenda topit janë gjetur tre celularë, dy Iphone dhe një Samsung, bashkë me karikuesit dhe dy karta celulari të pahapura.
“Drogë në antidjers”
Një sasi lënde narkotike e dyshuar e llojit kanabis sativa është kapur teksa po tentohej të futej në burgun e Fierit.
Lënda, e paketuar në 13 doza, ishte fshehur brenda një kutie antidjerse dhe ishte dërguar për t’u futur ne burg në rruge postare.
Nëna i çon djalit në burg byrekë me pak kanabis
Ka shkuar të vizitojë djalin 25-vjeçar Drino Xhelo, e siç nënat duan të përkujdesen për fëmijët, i kishte sjellë ushqime të përgatitura nga vetë ajo. Por si për çudi, bashkë me ushqimet nëna 58-vjeçare Fatime Fregjaj i ka çuar edhe kanabis sativa.
58-vjeçarja është larguar më tej nga institucioni i vuajtjes së dënimit në Peqin, por ka qenë policia e cila gjatë kontrollit të çantës me ushqime ka konstatuar edhe sasinë e lëndës narkotike.
“Drogë në mish”
Dy vëllezër tentuan të fusin drogë në burgun e Lushnjes. Droga ishte futur brenda një sasie mishi, risi kjo që na kujton filmat “Hollywoodi-an”.
