Kanë mbetur vetëm pak orë nga skadimi i kohës së kërkuar nga Presidenti italian për të reflektuar mbi vendimin që duhet të marrë për formimin e qeverisë së re.
Sot Sergio Mattarella do të vendosë se kush figurë institucionale do të ngarkohet për formimin e ekzekutivit.
Pas konsultimeve të dështuara me forcat politike e negociatave pa sukses të kryetares së dhomës së senatit për formimin e një kolacioni qeverisje mes partive të djathta e 5 Yjeve, pritet që një tjetër figurë institucionale të ngarkohet me detyrën e zgjidhjes së ngërcit qeverisës.
Kjo periudhë paqartësie ka krijuar shqetësim, sidomos pas faktit se Italia nuk u rreshtua krah Perëndimit kur u bombardua Siria.
Për më tepër, portali Formiche shkruan se përbën shqetësim kërkesa e ministres së mbrojtjes së Shqipërisë në SHBA, Olta Xhaçka për ngritjen e një baze ushtarake amerikane në vendin tonë.
Sipas portalit, kjo tregon se roli i Italisë si partner amerikan dhe aktor i rëndësishëm në skenën gjeopolitike po zbehet.
