Seksioni i hetimit të ngjarjeve në qarkullimin dhe AIS në Drejtorinë Vendore të Policisë Durrës ka arrestuar në flagrancë një 38-vjeçar, pasi ka aksidentuar në gjendje të dehur një të moshuar.
Sipas policisë, ngjarja ka ndodhur këtë të diel në fshatin Karpan, Shijak, ku shtetasi E. D., banues në Durrës, duke drejtuar në gjendje të dehur mjetin tip “Ford” ka aksidentuar këmbësorin Q. I., vjeç 75, banues në Metallaj, Shijak.
Për pasojë i moshuari ndodhet në spital nën kujdesin e mjekëve, bëjnë me dije burimet zyrtare. 38-vjeçari akuzohet për veprat penale “Shkelja e rregullave të qarkullimit rrugor” dhe “Drejtimi i automjeteve në gjendje të dehur”, nenet 290 e 291 të Kodit Penal.
