Një nga reperat më të talentuar të industrisë muzikore shqiptare ka paralajmëruar me një postim në Instagram se shumë shpejtë do publikojë projektin e tij më të ri.
Buta, i cili para disa ditësh ishte në qendër të lajmeve të showbizit shqiptar për shkak se u nda nga labeli i menaxherit të njohur Faton Shoshi, duket se tani është i përqëndruar vetëm tek materialet e reja që do të sjellë për publikun.
Në fakt gjatë verës u vu re mungesa e tij me një projekt solo, megjithëse bashkëpunimi i tij me Ledrin me këngën “Merri Merri” u dëgjua gjithandej.
Për këngën e re ai ka bashkuar forcat me Dj Flow dhe titulli I projektit të tyre është “Anuloje”. Ky lajm nuk vjen si surprizë për fansat e ndjekësit besnik të tij pasi ai e ka pasur në plan nxjerrjen e kësaj kënge disa muaj më parë por për një arsye apo një tjetër kjo gjë nuk ndodhi.
Cfarë ka të vecantë kjo këngë? Sepse me shumë mundësi pjesë e rreshtave të saj do të jetë jo vetëm shprehja e famshme e moderatorit Arian Cani “Ledio të lutem” por dhe vetë gazetari, e kjo do të jetë hera e parë që ndoshta bëhet pjesë e një projekti muzikor. Sigurisht pritet që i gjithë materiali të jetë i stilit rap që Buta di ta bëjë shumë mirë.
Kujtojmë gjithashtu se përvec këtij projekti artisti pritet këtë vjeshtë të prezantojë para publikut një mixtape të ri Vjeshtë/Dimër duke vazhduar kështu traditën e vënë nga ai që në fillimet e karrierës.
