4 fëmijët e mitur dhe gruaja ndodhen aktualisht në aeroportin e Bejrutit, ku kanë hipur në avionin që nga momenti në moment pritet të niset drejt vendit tonë. I gjithë operacioni është ndjekur nga krye-ministri Edi Rama dhe ministri i Brendshëm Sandër Lleshaj
Fëmijët e nxjerrë nga Al Hawl janë Amar Rasha, Emel Rasha, Hatixhe Rasha dhe Endri Dumani. Është nxjerrë nga kampi i Al Hawl dhe nëna e tre fëmijëve Floresha Rasha.
Floresha Rasha së bashku me 3 fëmijët dhe Endri Dumanin do të mbërrijnë në Shqipëri pas disa orësh.
Ndërkohë për Top Channel, Endri Dumani është shprehur: Jam mirë me shëndet, mezi pres të takoj mamin dhe dajën.
Doktoresha: “Duken të qetë. Do të shihen në vazhdimësi me kujdes dhe edukator. Që të kthehen sa më shpejt në jetën sociale. Është ngritur një qendër për ta”.
Psikologia: “Si fillim do t’ju ofrojmë këshillim psikologjik. Vijnë nga ngjarje traumatike dhe kjo do jetë. Punë me terapi arti dhe loje të fillojnë të rehabilitohen në komunitet”.
