Duket se ditët e mira të fundjavës do të ja lënë vendin, motit të keq me reshje shiu dhe dëborë në zonat mbi 500 metra.
Kështu thuhet në parashikimin e motit të përgatitur nga Instituti i Gjeoshkencave, Energjisë, Ujit dhe Mjedisit.
Parashikimi i motit për pasditen e sotme e nesër:
Pasditen e sotme pritet që reshjet të përfshijnë të gjithë vendin, ato do të jenë të dobëta.
Nesër intensiteti i reshjeve do të rritet dhe do të arrijë deri mesatar në veri të vendit (siç tregohet në tabelë, respektivisht për secilin qark).
Në veri-lindje priten reshje dëbore në 500m mbi nivelin e detit.
Shënim: në rastin e reshjeve të dëborës, 1 mm reshje = 1 cm dëborë e re
Temperaturat
Nesër temperaturat minimale dhe maksimale të ajrit pritet të arrijnë:
në bregdet: 9 / 12
në vendet e ulëta: 7 / 11
në vendet malore: 3 / 8 °C.
Era
Sot dhe nesër era pritet të fryjë e lehtë deri mesatare në bregdet.
Rreziku nga përmbytjet
Nga llogaritjet hidrologjike të IGJEUM, rezulton se lumenjtë në të gjithë territorin nuk paraqesin rrezik.
Ky informacion do të përditësohet nga IGJEUM sipas llogaritjeve të ardhshme dhe do të njoftoheni për çdo ndryshim në parashikimin e përmbytjeve.
