Moti do të jetë me kthjellime dhe vranësira të shpeshta në pjesën më të madhe të vendit duke rrezikuar gjatë pasdites me shira të dobët në zona të izoluara në Verilindje. Por mbrëmja dhe orët e natës, sjellin kryesisht kthjellime në territor.
Sipas MeteoAlb, temperaturat e ajrit do të rriten lehtë në mëngjes dhe mesditë duke bërë që vlerat e tyre të luhaten nga 7 në 27°C.
Era do të fryjë e lehtë dhe mesatare, me shpejtësi 30 km/h nga drejtimi Perëndimor ndërsa në det vijon dallgëzimi deri 2 ballë.
Europa
Europa Perëndimore por kryesisht brigjet Mesdhetare përfshihen nga stuhi me rrebeshe shiu ku problematike situata do të jetë në Juglindje të Frances dhe Italinë Veriore.
Ndërsa vijon dominimi i kthjellimeve në pjesën më të madhe të Europës.
