Kthjellime të shkurtra dhe vranësira të shpeshta të shoqëruara nga reshje të pakta shiu e dëbore do të ketë në Jug ndërsa reshje të izoluara, priten në zonat Qendrore dhe Veriore.
Pasditja përmirëson kushtet e motit në Veri dhe Qendër ndërsa Jugu dhe kryesisht Juglindja mbetet me reshje të izoluara dëbore deri në mbrëmje kur kthjellimet bëhen dominate në të gjithë vendin.
Sipas MeteoAlb, temperaturat e ajrit do të pësojnë një rënie me 2- 3°C gjatë mëngjesit ndërsa një rënie e lehtë pritet gjatë orëve të mesditës.
Era do të fryjë mesatare deri e fortë, me shpejtësi 60 km/h nga drejtimi Lindor – Verilindor duke forcuar në det dallgëzimin mbi 4 ballë.
Europa
Europa Perëndimore dhe Qendrore duke përfshirë zonën e Alpeve, dominohen nga vranësira dhe reshje të konsiderueshme. Po ashtu, pjesërisht Europa Juglindore paraqitet me vranësira dhe reshje shiu e dëbore.
Por kthjellime dhe vranësira kalimtare dominojnë Rajonin e Mesdheut dhe pjesën më të madhe të Europës Verilindore.
