Sipas Fox News, një person i dyshuar si autori i sulmit është arrestuar.
Agjentë policie të armatosur rëndë, madje edhe një tank, janë parë pranë shkollës ku ka ndodhur ngjarja.
Sherifi i Broward County, në Florida, ka raportuar për të shtëna në një gjimnaz në Parkland. Sipas CNN, raportohet se 20 persona kanë mbetur të plagosur.
Situata është akoma e paqartë. Ka raportime se të shtënat me armë vazhdojnë.
Pamjet ajrore shfaqën disa njerëz që qëndronin të shtrirë përdhe jashtë shkollës, të cilët u trajtuan për plagët e marra dhe u transportuan me ambulancë.
Pamjet nga vendngjarja treguan disa nxënës duke vrapuar larg shkollës duke ulëritur. Dhjetëra makina policie ndodhen në vendngjarje.
