Shefja e diplomacisë Europiane, Federica Mogherini do të vizitojë Tiranën në 8 dhe 9 maj. Vizita e zyrtares së lartë të BE vjen në një moment delikat për Shqipërinë, ku vendi është futur në krizë politike pas vendimit të opozitës për të djegur mandatet.
Gjatë vizitës së saj në Tiranë, Mogherini do marrë pjesë në aktivitete në kuadër të Ditës së Europës, dhe do të ketë takime me kryeministrin Rama dhe përfaqësues të opozitës.
Por vizita e shefes së BE vjen sërish para një moment kyç, disa javë para se Komisioni Europian te publikojë rekomandimin për hapjen e negociatave për Shqipërinë.
Mogherini është ftuar dhe nga presidenti Meta të marrë pjesë në punimet e samitit të Brdo-Brijun, ku mblidhen të gjithë presidentët e Ballkanit, për të diskutuar për projektet e përbashkëta dhe ndihma që duan nga BE.
