Për rreth 12 ditë nga zhdukja e avokatit Besnik Muço, gjenden sendet e tij personale në tragetin ku do të udhëtonte. Nga sendet e tij personale janë gjendur çanta, Një kartë qendrimi në Itali si dhe xhupi I avokatit. Ajo që ngre më shumë dyshimet është mungesa e pasaportës shqiptare së avokatit, ajo nuk u gjend as në ccantë e as në xhup. Sendet e gjetura i janë kaluar policisë së Durrësit për hetim.
KUSH ISHTE AVOKATI I ZHDUKUR
Besnik Muça prej disa kohësh punonte në Tiranë si avokat i lirë. Nga dëshmia e vëllait të tij, u bë me dije se Bujar Muça kishte dokumente të rregullta qëndrimi në Itali ku prej vitesh jetonte me bashkëshorten dhe fëmijët, ndërsa kohët e fundit ai kishte nisur punën si avokat i lirë në Tiranë. Ai udhëtonte dy herë në muaj nga porti i Durrësit në Bari për të shkuar në Macerata, aty ku edhe jetonte familja.
VERIFIKIMET
Ka qenë bashkëshortja e avokatit Mucca që ka denoncuar zhdukjen e tij para 12 ditësh, pasi ai nuk po mbërrinte në Itali. Pas denoncimit më Itali nga bashkëshortja, edhe vëllai i avokatit nga kryeqyteti bëri denoncim pranë policisë së Durrësit me qëllim që të nisnin hetimet zyrtarisht nga autoritetet shqiptare dhe ato italiane. Nga verifikimet u zbulua se Besnik Muca do nisej për itali me tragetin e linjës Durrës-Bari mbrëmjen e 2 nëntorit. Sipas burimeve, ai ka bërë check-in dhe ka kaluar në sistemin TIMS.
“Menjëherë pas denoncimeve, nisëm hetimet dhe verifikimet e rastit për ngjarjen në fjalë. Nga verifikimet rezulton që shtetasi Besnik Muca të jetë nisur me tragetin e linjës. Rezulton që Muca të ketë kaluar të dy kordonët në Pikën Kufitare (check-in dhe sistemin TIMS). Në këto kushte, dimë që shtetasi Besnik Muca i denoncuar i zhdukur nga familjarët ka hipur në traget dhe është nisur drejt Italisë”,- thanë burime nga grupi i hetimit që është ngritur për zbardhjen e kësaj zhdukje misterioze të avokatit nga kryeqyteti.
DYSHIMET DHE PISTAT E MUNDSHME TË ZHDUKJES
Dy janë pistat aktuale: E para të jetë vetë hedhur nga trageti ose shtyrë nga persona të tjerë dhe e dyta që të jetë zhdukur në mënyrë misterioze në territorin italian.
Do verifikojmë aktivitetin e avokatit për të parë nëse ka konflikt me ndonjë klient, pasi zhdukja e tij në mënyrë misterioze bënë të dyshojmë se mund të kemi të bëjmë edhe me ndonjë larje hesapesh”,sqarojnë burime nga grupi hetimit. Muça i ka humbur kontaktet me familjarët që nga data 2 nëntor, kur ai do të imbarkohej në traget, për t’u nisur drejt Italisë. Që prej asaj dite, bashkëshortja, familjarët e tjerë në Shqipëri, shokët, të njohurit dhe të afërmit e tij nuk e kanë idenë e vendndodhjes së 54-vjecarit.
Përgatiti: AlpeNews.al
