Gjatë mbledhje së djeshme të Grupit Parlamentarë të Partisë Socialiste, grupi i PS votoi pro propozimit të Kryetarit të grupit, Taulant Balla për heqjen e mandatit të kryetarit të Bashkisë së Mallakastrës, Agron Kapllanaj. Ky i fundit i akuzohet së është i dënuar me dy vite burg për vjedhje në Itali.
Në fjalën e tij në mbledhjen e grupit, Balla theksoi se jemi në kushtet kur, kryetari i Komisionit Qendror të Zgjedhjeve, Klement Zguri ka kryer shkelje të rënda të ligjit.
Sot, në një prenoncim për mediat, deputetja e PS, Klotilda Ferhati e theksoi sërish se kreu i KQZ Klement Zguri ka shkelur ligjin, pasi KQZ mori vendimin për të mos i hequr mandatin kreut të bashkisë së Mallakastër Agron Kapllanaj në kuadër të ligjit të dekriminalizmit.
Ajo shtoi se Zguri mbrojti Agronin sepse të dy kanë të njëjtën anë politike.
“Sjellja e Zgurit tregon njëanshmëri, prandaj PS kërkon të shkarkohet kreu I KQZ, Klement Zguri “- tha ajo.
Por vendimi i Kuvendit parashikon se mandati i Zgurit është deri në vitin 2020.Zguri u zgjodh përballë një tjetër kandidature si kryetar i KQZ-së.
Ky rast duket se mund të përfundojë në Gjykatën Kushtetuese.
