“Mirëdita, jemi forcat e armatosura!”. Ju duhet të vendoseni në karantinë!”.
Me kufje me mikrofonë, me grada në shpatulla, ushtarët spanjollë janë ngarkuar të identifikojnë rastet e konktit të pacientëve të prekur nga COVID-19 në vendin më të prekur të BE-së.
Selia e Forcave të Armatosura ndodhet në qendër të Madridit.
Në portën e saj një tabelë njofton “Seksioni i mbikëqyrjes epidemiologjike të mbështetjes për rajonin e Madridit”.
Atje, nga ora 09:00 deri në orën 21:00, shtatë ditë në shtatë, dhjetëra ushtarë marrin secili 70-80 thirrje për të identifikuar kontaktet e personave të diagnostikuar pozitiv me COVID-19.
“Jam gjurmues për rajonin e Madridit, kam marr numrin tuaj nga një person që është testuar pozitiv me COVID-19. Gjëja e parë që dëshiroj të di, është se ku ndodheni aktualisht? Ju do të duhet të vendoseni në karantinë për 10 ditë”, thotë njëri prej tyre.
Alokuar nga qeveria qendrore për të ardhur në ndihmë të rajoneve më të prekura, në një vend ku mungesa e burimeve njerëzore është theksuar si një nga arsyet e rinisjes së fortë të epidemisë, më shumë se 2 000 ushtarë-gjurmues duhet të mundësojnë gjurmimin e zinxhirit të kontaminimit.
