Karabinierët e Kompanisë dhe të Stacionit të Frascati me ndihmën e atyre të Njësisë Hetuese të Grupit Frascati ndërhynë për të shuar një përleshje të dhunshme në Piazza Monte Grappa në Frascati.
Përleshja ka ndodhur mbrëmë në mesnatë. Alarmi u dha ngady karabinierë, të cilët në momentin që kanë parë përleshjen ishin jashtë orarit të punës. Forca të shumta policie arritën në vendngjarje, duke arrestuar 5 vetë dhe 7 u arratisën, shkruajnë mediat italiane.
Në pranga përfunduan një shtetas italian, nga Roma 23 vjeç i papunë dhe me precedentë të shumtë, dhe 4 shtetas shqiptarë nga 19, 22, 25 dhe 26 vjeç. Asnjë prej shqiptarëve nuk rezultonte problematik me ligjin deri para ngjarjes, ndërsa punonin në zonën përreth.
Karabinierët gjatë kontrollit të ushtruar, i gjetën 23 vjeçarit italian drogë dhe apra të gatshme, ndërsa shqiptarit 26-vjeçar i gjetën një thikë. Kështu, ata do të procedohen edhe për drogë e armëmbajtje pa leje.
Të arrestuarit dhe ata që u arratisën janë përleshur ashpër me njëri-tjetrin, duke përdorur grushte, por duke i thyer njëri –tjetrit edhe shishe birre në kokë. Dy të arrestuar janë trajtuar në urgjencë, pasi kishin marrë plagë e infeksione në trup. Vetëm shqiptari 26 vjeç u mbajt në burg, ndërsa të tjerët u dërguan në arrest shtëpiak. Policia italiane po punon ër identifikimin dhe shoqërimin e të arratisurve.
