Karbohidratet konsiderohen të dëmshme sidomos për ata që duan të humbin peshë. Hulumtimet e kryera në Tel Aviv, na treguan të kundërtën. Sipas studiuesve, një fetë bukë në mëngjes mund të ndihmojë në humbjen e peshës. Drejtuesja e hulumtimit Daniela Jakubowicz tha se:
Një fetë bukë në mëngjes ul nivelet e glukozës në gjak dhe është e shëndetshme se një fetë bukë pasdite. Koha kur hani diçka është më e rëndësishme se çfarë hani dhe sa kalori ka.
Sipas rezultateve të hulumtimit, pjesëmarrësit që konsumuan një mëngjes të bollshë, një drekë mesatare dhe një darkë të lehtë humbën katër herë më shumë peshë sesa ata që hëngrën gjashtë vakte identike gjatë ditës. Ky hulumtim i veçantë fillimisht është bërë për rastet e diabetit dhe obezitetit, megjithatë është një tregues i mirë se si mund të humbni më shumë peshë.
Nutricionistja Susie Burrell pajtohet se gjetjet e hulumtimit janë inkurajuese.
Është provë se koha e vaktit dhe shpërndarja e karbohidrateve gjatë gjithë ditës është një pjesë e rëndësishme e humbjes dhe menaxhimit afatgjatë të peshës. Nivelet e balancuara të glukozës dhe për rrjedhojë rregullimi i insulinës, është gjëja më e mirë që mund të bëjë dikush për kontrollin afatgjatë të peshës dhe ngrënia e karbohidrateve të kontrolluara nga porcionet është mënyra më e lehtë për ta arritur këtë. Për shembull, mund të lyeni bukë me gjalpë dhe të shtoni fara. Kombinimi i këtyre ushqimeve është i shijshëm, i shëndetshëm dhe dietik. Një alternativë tjetër është kombinimi i bukës me vezë dhe avokado. Konsumoni bukë pa sheqer dhe me pak kripë që janë më të shëndetshme dhe të dobishme për trupin.
Buka është një ndër ushqimet më të preferuara por njëkohësisht edhe më pak të rekomandueshme. Ka dieta të shumta të fokusuara në heqjen e bukës nga produktet ushqimore. Sipas një studimi të vitit 2017, mund të ishte një ide e mirë të merrni dy deri në tre racione ditore me drithëra, të cilat mund të gjenden në bukë, pasi ato mund të parandalojnë diabetin e tipit 2, sëmundjet kardiovaskulare dhe kancerin. /TAR/
