Revista serbe ‘Monitor’ i ka kushtuar një artikull fabrikës koreano-jugore ‘Yura’ me qendër në Leskovac në Serbi, e cila do të zhvendoset së shpejti në Shqipëri. ‘Yura Corporation’ e specializuar për prodhimin e kabllove është kompania bashkëpunëtore e prodhuesve më të mëdhenj të automobilave të Koresë së Jugut si ‘Kia Motors’ dhe ‘Hyundai Motors’. Kjo kompani është ndër eksportuesit më të mëdhenj të Serbisë e renditur e treta me 119 mln euro eksport gjatë vitit të fundit.
Sipas revistës serbe, fabrika u hap në vitin 2012 dhe mori subvencione nga qeveria 7000 euro për çdo punëtor të ri, me garancinë se askush nuk do të pushohej nga puna për pesë vite. Por tashmë investitorët po shohin mundësi të reja jashtë Serbisë dhe një nga vendet potencialisht të mundshme për të investuar është Shqipëria.
Artikulli i Serbian Monitor
Por bashkë me mbylljen e fabrikës pasojat parashikohen të jenë edhe me efekte sociale, kjo pasi plot 350 punëtorë do të humbasin vendin e punës.
Punëtorët kanë frikë për punën e tyre, por drejtuesit janë duke u përpjekur t’i sigurojnë se jo të gjithë do ta humbasin punën e tyre. Ata që do ta humbasin janë vetëm 350 persona, ku në listën e ‘zezë’ janë ata që kanë kërkuar shpesh raport mjekësor dhe ata që nuk e përballojnë dot ritmin e punës në fabrikën e prodhimit.Thotë një punonjës i YURA-s
Por përveç kësaj, ‘YURA’ ka ndërtuar një fabrikë tjetër për rreth 500 njerëz në Leskovac.
Drejtuesit thonë se disa nga 1.000 punëtorët do të transferohen në uzinën e re, ndërsa të tjerët do të zhvendosen në punë të tjera brenda fabrikës ekzistuese.
