Një ngjarje e rëndë u shënua mëngjesin e sotëm në Pogradec, ku një 40-vjeçar ndërroi jetë pasi u rrëzua teksa po punonte në një kabinë elektrike, në lagjen Nr. 5 të qytetit.
Viktima është Paulin Mexhaj, punëtor ndërtimi.
Ai ishte duke punuar në një mur të kabinës, por si pasojë e amortizimit, muri është shembur dhe e ka zënë poshtë duke e lënë të vdekur.
Informacion paraprak i policisë
Më datë 31.10.2019, në lagjen nr.5, Pogradec, shtetasi P.M, rreth 40 vjeç, banues në Tiranë, dyshohet se aksidentalisht është rrëzuar nga një kabinë elektrike, ku ka qenë duke punuar dhe për pasojë ka gjetur vdekjen.
Grupi hetimor po punon për zbardhjen e rrethanave të ngjarjes.
