Kanë mjaftuar vetëm pak orë për të pasur në vëmendjen mediatike dy deklarata të ndryshme me njëra-tjetrën. Në njërën anë Emergjencat Civile i kanë dalë për zot situatës, duke thënë se thuajse më e rënda ka kaluar, dhe përmirësimi i gjendjes është i dukshëm.
Por nga ana tjetër Presidenti i Republikës Ilir Meta e ka “rrëzuar” këtë deklaratë, sipas situata do të përkeqësohet edhe më tej.
Mëposhtë keni deklaratën e Presidentit Meta në qytetin e Beratit.
Besoj se situata është më mirë se dje aq më tepër edhe këtu në qytetin e Beratit, Osumi është qetësuar në krahasim me një ditë më parë pavarësisht se pasojat ndjehen, ashtu sikurse është rasti i disa banorëve të cilët janë të strehuar dhe janë në kujdesin e bashkisë në një nga konviktet e qytetit apo qoftë për dëmet që mund të kenë pasur banesa apo bizneseve të caktuara. Megjithatë, kjo situatë përveç kujdesit për menaxhimin e dëmeve të deritanishme dhe për të qëndruar pranë banorëve dhe për t’u krijuar atyre kushtet për të vazhduar jetën sa më normalisht kërkon edhe kujdes për të ardhmen sepse jemi në një kohë kur dimri bëhet i vështirë dhe i paparashikueshëm, – deklaroi Presidenti Meta./ Përgatiti: AlpeNews.al
