Kreu i Grupit Parlamentar të PS, Taulant Balla, në fjalën e tij në Kuvend, ka deklaruar se me ndryshimet e ligjit për Teatrin, po hapin një garë të ndershme.
Sipas Ballës gara do të jetë 60 ditë, një kohë kjo e mjaftueshme sipas tij. Më tej ai është përgjigjur dhe deklaratës së Bashës, i cili i quajti terrorist ata që do të votojnë ligjin për Teatrin sot.
Pjesë nga deklarata
Gërmë për gërmë kemi transpozuar, të gjithë opinion e Komisionit Evropian për ligjin e Teatrit Kombëtar.
KE hodhi poshtë të gjithë pretendimin e opozitës se shkelej MSA. Bashkia e Tiranës ngarkohet që të njoftojë të gjitha subjektet private që të paraqesin një projekt për Teatrin Kombëtar.
Ja pra ra gjithë ajo baltë, që flisnit këtu në emër të BE-së, nuk duhet ë ishit në hotel luksoz, por duhet të ishit këtu për të kërkuar falje.
Jemi këtu për të thënë se po hapet një garë, e cila do të jetë 60 ditë, kohë kjo e mjaftueshme për të propozuar një projekt.
Kuvendi me këto ndryshime hap një garë për të gjitha kompanitë, e cila do jetë një garë e barabartë.
Dua ti them Lulzim Bashës, mjaft fole kërcënime idioteske që bën lart e poshtë.
