Kryeprokurorja Arta Marku ka firmosur për ndërprerjen e komandimeve të Prokurorëve.
Këta të fundit do të kthehen sërish në prokuroritë ku janë emëruar. Ata që lëvizin janë nga Krimet e Rënda, Vlora dhe Durrësi. Ndërkohë që po bëhet edhe dorëzimi i dosjeve nga vetë të emëruarit.
Më herët Marku ka nxitur iniciativën e krijimit të dy drejtorive një për hetimin e prokurorëve, dhe një për çështjet e të miturve.
***
Brenda muajit janar parashikohet që komandimet e prokurorëve të ndërpriten të gjitha, ndërsa burime nga organi i akuzës pohojnë se urdhri prek rreth 30 prokurorë, deri tani Arta Marku ka ndërprerë komandimet për 6 drejtues.
Në ditët në vazhdim pritet që të ndërpritet komandimi për 24 drejtuesit e tjerë, përfshirë drejtues dhe prokurorë, të cilët do të rikthehen në postet e tyre ku kanë emërimet nga Këshilli i Prokurorisë.
Kryeprokurorja pak ditë më parë firmosi lirimin e drejtuesve të Elbasanit, Kukësit, Fierit, Tiranës dhe dy prokurorëve pranë Prokurorisë së Përgjithshme.
Komandimet e ndërprera
Petrit Fusha Tiranë
Dritan Gina Elbasan
Prokuroria Fier
Prokuroria Kukës
Dy prokurorë në Prokurorinë e Përgjithshme
Përgatiti: AlpeNews.al
