Ambasadori Johann Sattler, përfaqësues i shtetit austriak në Shqipëri i është përgjigjur kërkesës së Voltana Ademit, që Shkodra të qeveriset nga një Komision Evropian. Në një reagim në rrjetet sociale, Sattler thotë se Shqipëria s’është e vitit 1913, por është një vend që synon hyrjen në BE. Ai thotë se vendet e BE janë të hapura për bisedime, por nga ana tjetër duhet aftësi për të zgjidhur problemet politike.
“Të hapur për të diskutuar por 2019 nuk është 1913. Shqipëria synon të hapë negociatat me Bashkimin Europian. Kjo kërkon aftësinë për të zgjidhur problemet politike. Dhe për këtë nevojiten dy palë. Sezoni i konfliktit duhet ndjekur nga sezoni i zgjidhjes së konflikteve. Shqiptarët duan të shkojnë me pushime me një mendje të qetë”, shkruan ambasadori në Twitter.
