Është qëlluar me plumba mëngjesin e sotëm banesa e autorit të ngjarjes së djeshme në Pukë, Lek Ndout, 49-vjeçarit i cili qëlloi me plumba një furgon në pronësi të Tonin Pepkolajt.
Familjarët e banesës së Ndout kanë dalë nga shtëpia duke thënë se janë të kërcënuar dhe njëherësh edhe të rrezikuar nga ngjarja e mëngjesit të sotëm.
Dyshohet se kjo “lëvizje” e sotme lidhet me ngjarjen e djeshme, të breshërisë së 3 plumbave që Ndou kreu ndaj furgoniut të Pepkolajt.
Ngjarja ka ndodhur në fshatin Poravë.
NGJARJA
Është identifikuar edhe personi që qëlloi mbi furgonin e pasagjerëve, në Pukë.
Mësohet se bëhet fjalë për 49 vjeçarin Lek Ndou, i cili qëlloi me breshëri plumbash në drejtim të furgonit të Tonin Pepkolaj.
Pavarësisht se policia e cilësoi si një ngjarje me motive të dobëta, shoferi i furgonit 49-vjeçari Tonin Pepkolaj nuk është i panjohur për drejtësinë.
Banues në fshatin Rajë të Tropojës, është arrestuar para disa vitesh për ‘armëmbajtje pa leje’. Policia në dhjetor të 2017 gjatë një kontrolli rutinë të furgonit Fierzë-Pukë-Bajram Curri zbuloi pistoletë TT dhe 500 gramë hashash, ndërkohë që brenda furgonit të linjës janë gjetur dhe mallra të tjerë në vlerën e 5000 eurove.
